Dyrhólaós og Loftsalahellir

Dyrhólaós er 4,8 km² stórt vatnsflæmi, skammt frá Vík í Mýrdal. Þar eru sjávarleirur, þær einu á Suðurlandi, með sérstæðum lífsskilyrðum. Loftsalahellir er sérstæður og allstór hellir í móbergshamri í suðaustanverðu Geitafjalli. Þar eru fjölbreyttar bergmyndanir og gróskumiklar hlíðar. Þessi hellir er hinn forni þingstaður bænda í Mýrdal en nálægt honum er þúst ein í brekku er nefnist Gálgaklettur. Talið er að samkvæmt nafngiftinni hafi farið þar fram aftökur sakamanna fyrr á öldum en ekki eru til beinar heimildir er bera því öruggt vitni.